ОРТАҚ ҚАЗАН ОРТАЙМАСЫН
Мемлекет басшысы салықтағы заңнамаларға бірқатар өзгерістер енгізу арқылы салықтың салмағын арттырды. Яғни, салықты арттыру көздігі ретінде жеке кәсіпкерліктің көлемін артыруды ұсынды. Елбасының тапсырмасына орай, Жаңақорған ауданында жеке кәсіпкерлерді қолдау жүзеге асуда. Кәсіпкерлік көлемі кеңейсе, салық қарқыны да артатыны түсінікті. Осы леппен аудан экономикасында біршама ілгерушілік байқалады. Бүгінде шағын кәсіпкерлік субъктілері саны 3337. Яғни, кәсіпкерліктің кілтін тапқан жандардың саны артып, өткен жылмен салыстырғанда 13 пайызға артыпты. Жаңақорған ауданы бойынша Мемлекеттік кірістер басқармасының мәліметі бойынша, мемлекеттік бюджет кіріс болжамын 95,7 пайызға орындаған. Нақтырақ айтсақ, кіріс болжамы 7936067,0 мың теңге болса, оның 7596251,0 мың теңгесін ортақ қазандыққа жинаған. Оның ішінде республикалық бюджет 93,8 пайызға орындалды.
Ал, жергілікті бюджет 104,5 пайызға (болжам 949373,0 мың теңге, түсім 991656,0 мың теңге) немесе 42283,0 мың теңгеге артық орындалды. Бұған себеп, аудан тұрғындарының жер, мүлік және көлік салығын уақытында төлеген. Бұл дегеніміз, аудан халқының салық сауаттылығы артып келе жатқанын аңғартады.
