АРАЛДА ҚҰРЫЛЫС ЖҰМЫСТАРЫ ҚАРҚЫНДЫ ЖҮРГІЗІЛУДЕ
Арал ауданында жыл басынан бері 9964 шаршы метр құрайтын 86 тұрғын үй пайдалануға берілді. Аудандық ішкі саясат бөлімінің хабарлауынша биылғы жылы «Қолжетімді баспана 2020» бағдарламасы аясында Арал қаласында 2 бір пәтерлі коммуналдық арендалық тұрғын үй салынып, «2020 жылға дейінгі Өңірлерді дамыту» бағдарламасы бойынша 2 кондоминимум нысаны күрделі жөндеуден өтеді. Күрделі жөндеу жұмыстары қаланың Судоверфь көшесіндегі № 22 және Қарасақал Ерімбет көшесіндегі №11 тұрғын үйлерде жүргізілетін болады.
Сондай-ақ, биылғы жылы жалпы саны 14 нысанның құрылысына 3,3 млрд. теңге қаржы қаралған. Салынатын 5 құрылыс нысанының жоба-сметалық құжаттарын әзірлеуге 57,8 млн теңге жұмсалады.
