ҚАЗАЛЫДА КӘСІПКЕРЛІК НЕГІЗДЕРІНЕ ОҚЫТУ КУРСТАРЫ ЖҮРГІЗІЛУДЕ
Қазалы ауданында «Жаппай кәсіпкерлікті дамыту» бағдарламасы бойынша жұмыссыз және өзін-өзі жұмыспен қамтығандарды несиелендіруге 2017 жылы 281715,3 мың теңге қаржы қаралып отыр. Атап айтқанда «Ауылшаруашылығы қаржылай қолдау қоры» АҚ Қызылорда филиалы арқылы 165945,2 мың теңге, «Аграрлық несие корпорациясы» АҚ арқылы 115770,1 мың теңге несие тарату жоспарлануда. Аудан әкімдігінің мәліметіне сәйкес «Бастау-Бизнес» жобасы арқылы кәсіпкерлік негізінде оқып өз жобаларын қорғап шыққан 52 адамға, яғни «Аграрлық несие корпорациясы» АҚ арқылы «Қызылорда» Өңірлік инвестициялық орталығы Микроқаржы ұйымы» 13 адамға, «Ауылшаруашылығы қаржылай қолдау қоры» АҚ Қызылорда филиалы 39 адамға несие беру жұмыстары жүргізіліп жатыр.
Қазіргі таңда, кәсіпкерлік негізде оқытуға ағымдағы жылы 221 адам жоспарланса, орталық арқылы несие алуға өтініш білдірген жұмыссыз адамдар мен өзін-өзі жұмыспен қамтығандардың тізімдері аудандық кәсіпкерлік палатасына берілді. Кәсіпкерлік негіздеріне оқыту курсы «Бастау-Бизнес» жобасымен осы жылдың сәуір айымен қараша айында барлығы 6 топ бойынша оқыту көзделіп отыр.
