МҮГЕДЕКТЕР ТЕХНИКАЛЫҚ ЖӘНЕ ГИГИЕНАЛЫҚ ҚҰРАЛДАРМЕН ҚАМТЫЛУДА
Қазалы ауданында «Мүгедектерді жеке оңалту» бағдарламасына байланысты әлеуметтік қорғау, әлеуметтік көмек көрсету, медициналық, әлеуметтік және кәсіптік оңалту, білім беру және олардың қоғам өміріне басқа азаматтармен бірдей белсене қатысуына мүмкіндіктер жасауға арналған жұмыстар атқарылуда. Аудан әкімдігінің мәліметіне сәйкес үстіміздегі жылдың 6 айында «Талсуат» елді мекенінде орналасқан «Мүгедектерге арналған оңалту орталығы» мемлекеттік мекемесіне жеке оңалту парағы бойынша 76 мүгедек жолдамамен 9 зейнеткер дем алуға жіберіліп, өз денсаулықтарын жақсартты.
«Мүгедектерді жеке оңалту» бағдарламасына сәйкес 25329,9 мың теңгенің гигиеналық құралдары алынып, жеке оңалту парағы толтырылған 293 мүгедекке ай сайын таратылып берілуде.
Протезді – ортопедиялық-73, сурдо-техникалық-8, жүріп-тұру құралдары-14, тифлотехникалық құралдар барлығы 27 мүгедекке құрал – жабдықтар мүгедектердің жеке оңалту парағына сәйкес таратылып берілді.
