ЖАҢАҚОРҒАНДА БОС ЖҰМЫС ОРЫНДАРЫ ЖӘРМЕҢКЕСІ ӨТТІ
Жаңақорған кентінде аудандық жұмыспен қамту орталығы бос жұмыс орындары жәрмеңкесін өткізді. Бұл туралы «Жаңақорған тынысы» газеті хабарлайды. «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған» бағдарламасын жүзеге асыру мақсатында өткен жәрмеңкеге 60-қа жуық аудан тұрғыны қатысты.
Жыл басынан бері тоғызыншы рет ұйымдастырылып отырған шараға келгендерге 26 түрлі мамандық бойынша 37 жұмыс орны ұсынылып, 7 тұрғын жұмысқа жолдама алды.
Айта кетейік, кезекті бос жұмыс орындары жәрмеңкесі тамыз айының 23-не өтеді.
