КӘСІПКЕРЛЕР МӘСЕЛЕСІН КЕҢЕС ТАЛҚЫЛАЙДЫ
Облыста шағын және орта кәсіпкерлікті дамыту бойынша Қызылорда облысы әкімінің жанынан құрылған кәсіпкерлер кеңесі жұмыс жасайды. Облыстық кәсіпкерлік және туризм басқармасының есебінше шағын және орта кәсіпкерлікті дамыту, іскерлер үшін әкімшілік кедергілерді азайту, өңірімізде жүзеге асырылатын инвестициялық жобаларға қолдау көрсетуді көздейтін осы кеңестің 1 отырысы өткізіліп, саланың өзекті мәселелері талқыланған.
Сондай-ақ, жергілікті атқарушы органдар қабылдайтын заңнамалық құқықтық актілерге өңірлік кәсіпкерлер палатасы, жеке кәсіпкерлік субъектілерінің аккредиттелген бірлестіктері сараптамалық қорытынды береді. Жыл басынан бері 29 нормативтік-құқықтық актіге сараптама қорытындылары берілді.
