РЕЙД ҰЙЫМДАСТЫРЫЛЫП, БИЛБОРДТАР ОРНАТЫЛУДА
Қалалық төтенше жағдайлар басқармасы мамандары Қызылорда қаласының су айдындарында адамдардың суға кету жағдайларын азайту мақсатында қала әкімдігі, жергілікті полиция қызметкерлерімен бірлесіп мамыр айының 25-нен бастап рейдтік аралау жұмыстарын жүргізуде. Рейдтік аралау жұмыстары барысында Қызылорда қаласының Ақмешіт мөлтек ауданы, Пищевик, Ягодка саяжайлары, Тәуелсздік көшесінің бойы, Көксу жағажайы, Шіркейлі және Жаңадария каналдары қамтылуда.
Аралау барысында бірнеше мәрте балалардың белгіленбеген орындарда суға түсіп жатқан жағдайлары анықталды. Оларға судағы қауіпсіздікті сақтау мақсатында түсіндірме жасалды.
Сонымен қатар, «Сырдария толқыны» жағажайында суға түсіп жатқан демалушылар арасында да үгіт-насихат жұмыстары жүргізілді. Осы бағытта 275 дана үнпарақ таратылды.
Сонымен қатар, қаладағы М.Шоқай және Яссауи көшелерінің бойында, ірі сауда үйлері мен базарларда судағы қауіпсіздік ережелерін сақтауға үндеген билбордтар орнатылды.
Дария жағалауына белгіленбеген жерге суға түсуге болмайтынын ескерткен тақтайшалар орнатылды.
