ЖҰМЫСПЕН ҚАМТУДЫҢ ЖОЛЫ ТАЛҚЫЛАНДЫ
Жаңақорған аудандық әкімдігінде шағын және орта кәсіпкерлікті дамыту, жұмыспен қамту және салық базасын кеңейтуге арналған жиын өтті. Аудан әкімі Ғалым Әміреев модераторлық жасаған мәжілісте облыстан келген тиісті сала мамандары хабарлама жасап, осы бағыттағы бастамаларды талқылады, деп хабарлайды «Жаңақорған тынысы» газеті. Мәжілісте мемлекеттік кірістер департаментінің бөлім басшысы Мұрат Жаденов пен «Байқоңыр әлеуметтік-кәсіпкерлік корпорациясы» ҰҚ» АҚ департамент директоры Әділхан Әлібаев баяндама жасады.
Облыстық жұмыспен қамтуды үйлестіру және әлеуметтік бағдарламалар басқармасының басшысы Мұрат Ергешбаев көтеріліп отырған мәселе төңірегінде тарата айтты. Аудандағы экономикалық белсенді халықтың жұмыспен қамтылуы көрсеткішіне қатысты пікірін білдірді.
Сондай-ақ, ол әлеуметтік медициналық сақтандырудың маңыздылығына да тоқтала кетті.
