Kyzylorda-News.kz

 

    Ә.Тәжібаев атындағы облыстық әмбебап ғылыми кітапханасының балалар әдебиеті бөлімі бөбектердің кітапқа деген қызығушылығын арттыру мақсатында  «Жасмин-Орда» балалар бақшасына «Балалар, оқы қызық!» атты танымдық шара өткізді.

    Онда балаларды кітап оқуға баулу мақсатында оларға «Ғажайып қоржын» ұсынылды. Оның ішінде балаларға арналған көркем суретті сөйлейтін кітаптар мен әлем халықтарының ертегілері, кішкентайлардың мың сұрағына жауап беретін танымдық анықтамалықтар топтастырылды.

    Кітапханашылар балаларға «Кім бірінші табады?», «Кім тапқыр?» ойындарын ойнатып кітапхана бөлімдері жайында әңгімелеп берді.