АУЫЛ ЖАСТАРЫ АРДАГЕРГЕ КӨМЕК КӨРСЕТТІ
Жалағаш ауданындағы Таң ауылдық «Жасыл ел» еңбек жасағының жастары қарттарға қамқорлық танытуда. «Нұр Отан» партиясының «Ардагерлерді ардақтайық» партиялық жобасы аясында жастар осы ауылдағы тыл ардагері Болат Жәнібековтің ауласын тазалап, бау-бақшасының арам шөбін отады.
Тыл ардагері ауыл жастарының жанашырлығына риза болып, батасын берді.
Қартайған кісіге жастардың қол көмегін көрсетіп келе жатқаны қандай жарасымды! Бұл біздің елдегі бірліктің, жастардың үлкенді сыйлайтын үлгіні ұстанып келе жатқанын білдіреді. Әркез қолдау көрсетіп, қасымыздан табылып отырған балаларыма алғыстан басқа айтарым жоқ, – дейді ақсақалдың өзі.
