ҚАЛАІШІЛІК АВТОБУСТА БИЛЕТ ТАЛАП ЕТІҢІЗ
Қазір қала ішінде қатынайтын қоғамдық көліктердің сапасын жақсарту шаралары қолға алынуда. Осы мақсатта арнайы рейдтер ұйымдастырылып, маршруттардың талапқа сай болуы қадағалануда. Бұл туралы қалалық ішкі саясат бөлімі хабарлап отыр. Бөлім мамандары қалаішілік маршрутта жол жүру ақысын төлеген жолаушының билет талап етуге құқылы екендігін ескертеді. Билет бермеген жағдайда автокөліктің мемлекеттік белгісін анықтап алып, 8 (7242) 26 42 29, 26 41 27, 21 27 37, 8 707 922 1578 нөмірлі сенім телефондарына хабарласуларыңызды сұрайды. Бұл қала тұрғындарының көлік сапасын арттыруға қосқан үлесі болмақ.
Ортақ істің орайы келсін десек, оған бәріміздің атсалысқанымыз жөн.
