ЗАҢДЫЛЫҚТЫҢ САҚТАЛУЫ ҚАДАҒАЛАНАДЫ
Жыл өткен сайын жердің пайдаланылуы мен қорғалуын мемлекет тарапынан қадағалау күшейе түсуде. Осы бағытта Қызылорда облысы әкімдігі жердің пайдаланылуы мен қорғалуына қатысты «Бағдаржол» мен «Жол картасын» қабылдаған болатын. Оның сыртында «Ауыл шаруашылығы мақсатындағы жерлердің ұтымды пайдаланудың ведомствоаралық әрекеттестігі» іс-шарасы аясында да бірқатар шаруалар қолға алынды, деп хабарлайды жердің пайдаланылуы мен қорғалуын бақылау басқармасының мамандары. Бекітілген «Бағдаржол» мен «Жол картасында» жер заңнамасының бұзылуын анықтау мен мәлімет ұсынуда әр мүдделі мемлекеттік органдардың міндеттері нақты айқындалған.
Бекітілген шараларға сәйкес, 2017 жылдың 1-жартыжылдығында облыстық жердің пайдаланылуы мен қорғалуын бақылау басқармасы ҚР жер заңдылықтарының сақталуына 236 мәрте бақылау жүргізді Осы тексерулер 75162,5 гектар жер учаскесін қамтып, 17291,54 гектар жер учаскелерінде 224 субъекті тарапынан 260 заң бұзушылық дерегі анықталып, бүгінгі күні оның 205 фактісі жойылды.
Осылардың ішінде 111 дерек бойынша 17329,487 мың теңге көлемінде айыппұл, 60 дерек бойынша ескерту түріндегі әкімшілік жазалар қолданылса, 62 дерекке қатысты әкімшілік іс өндірісі қозғалмай заң бұзушылықты жою туралы нұсқамалар берілді. Және 27 заң бұзушылық жасаған субъекті ҚР «ӘҚБТ» К-нің 58-бабының 2-бөлігіне сәйкес, айыппұл түріндегі әкімшілік жазадан босатылды.
