МҮГЕДЕКТЕР МӘСЕЛЕСІНЕ БАСА МӘН БЕРІЛЕДІ
Мүгедектердің орталықтандырылған деректер қорына сәйкес аймақта осы жылдың 1 шілдесінде 28722 мүгедек тіркеліп отыр. Бұл туралы облыстық жұмыспен қамту және әлеуметтік бағдарламалар басқармасы мамандары хабарлады.Осы алты ай ішінде 839 жалғызбасты қарт мен мүгедекке, 1339 мүмкіндігі шектеулі балаға арнаулы әлеуметтік қызмет көрсетілді. Осы уақыт аралығында 6022 жеке оңалту бағдарламасы даярланып, өткен жылдан ауысқан 8621 жеке оңалту бағдарламасы орындалды.
Аймақтағы жұмыспен қамту орталықтары арқылы 282 мүгедек (105-і тұрақты) жұмысқа тұрды, 20 мүгедек әлеуметтік жұмыс орындарымен қамтылды. Жастар тәжірибесіне 26 адам жіберіліп, 131 адам қоғамдық жұмыстарға тартылды.
