ИНДОНЕЗИЯЛЫҚТАР ОБЛЫС КӘСІПКЕРЛЕРІМЕН БАЙЛАНЫС ОРНАТУҒА ЫНТАЛЫ
Жақында Қызылорда облысы кәсіпкерлер палатасына Қазақстандағы Индонезия Республикасы елшілігінің экономикалық жəне саяси сұрақтар бойынша бірінші хатшысы Торанг Пакпахан бастаған делегация келді, деп хабарлайды палатаның баспасөз қызметі. Кәсіпкерлер палатасының директоры Ғалымбек Жақсылықовтың айтуынша бұл сапарда Индонезия кәсіпкерлері мен аймақ іскерлері арасында байланыс орнату, екі жақты сауда-саттық және инвестициялық мүмкіндіктерін қарастыру, импорт және экспорттық әлеуетті арттыру мәселелері талқыланған.
–Өз кезегінде индонезиялық делегаттар қазан айында Бантенде өтетін Сауда көрмесіне шақырды, - дейді палата директоры.
Сондай-ақ Қызылорда облыстық кәсіпкерлер палатасы мен Индонезия Республикасының Сауда-өнеркәсіп палатасымен меморандумға отыру шарасын ұйымдастыру мүмкіндіктері қарастырылуда.
Қызылорда облысының кәсіпкерлер палатасы Индонезия Республикасымен Индонезияда өтетін Сауда Көрмесіне қатысуға ниетті азаматтарды Палатаға хабарласуды сұрайды. Жауапты маман Жасұлан Серіков. Байланыс телефоны 8 /7242/ 40-09-81 /ішкі 4316/.
