ЖАСТАР ВЕЛОЖАРЫС ҰЙЫМДАСТЫРДЫ
Қазалы ауданында «ZangarSport» қоғамдық бірлестігі және «Жастар ресурстық орталығы» КММ, «Достар алаңы» еріктілер клубының ұйымдастыруымен әуесқойлар арасында «Tour de Qazaly 2017» веложарысы өтті. «ГазСтройТранс» ЖШС, «ТОТЕМ» кәсіби косметика дүкені және «Заң Заңғары» компаниялары жастардың талабына қолдау көрсетіп, веложарысқа демеушілік етті.
Жарыс шарты бойынша велоспортшылар орталық алаңнан Құмжиек ауылына жүріп өтіп, мәреге қайта оралуы тиіс болды.
Барлық санаттағы велосипедшілер арасынан бұл сында Дәурен Бекет үздік шығып, бірінші орын тұғырынан көрінді. Тас жол және кросс велосипедтерінен өзге басқа велосипедтермен жарысқа қатысқандар арасында Нұрдәулет Күнділданың мерейі үстем болды.
Сондай-ақ сайысқа қатысқан Жаңбырбай Әбдіров, Олжас Сейтен, Ержігіт Серік, Ержан Бисенбаев және Мэлс Әбдірасулдарға «Ең үздік спорт киімі» номинациясы табысталды.
