Kyzylorda-News.kz

     Осы жылғы 15 мамырда Мемлекет басшыларының Пекин қаласында өткен «Бір белдеу, бір жол» халықаралық форумындағы кездесуі аясында қытайлық «Чайна Триумф» компаниясы мен «Orda Glass ltd» ЖШС арасында шыны зауытының құрылысын үстіміздегі жылдың желтоқсанында аяқтау жөнінде меморандумға қол қойылды. Одан бөлек, Премьер-министр Б.Ә.Сағынтаевтың  облысымызға 28 маусымдағы жұмыс сапары аясында ағымдағы жылы құрылыс-монтаж жұмыстарын аяқтау үшін мердігерлік шартқа да қол қойылды. Бүгінде зауыттың 100% құралдары  құрылыс алаңына  әкеліп қойылды және құрастырылуда. Бұл туралы облыс әкімі Қырымбек Көшербаев облыстық мәслихаттың XIV сессиясында айтты.

    Облыс басшысы өз есебінде қытайлық әріптестер екінші кезекте күн батареясына, смартфондар мен планшеттерге арналған экспорттық әлеуеті зор ультра жіңішке шыны шығару зауытының құрылысын тездетіп бастай беру жөнінде мәселе қойып отырғанын да жеткізді.

    –Шыны зауыты құрылысының мәселесі «қолмен басқарылуда» (ручное управление). Зауыттың құрылысын өз мерзімінде аяқтау үшін біз қажеттінің барлығын жасап жатырмыз, – деді облыс әкімі.