Kyzylorda-News.kz

     Былтырғы оқу жылындағы есеп бойынша облыста 59 қосымша білім беру ұйымдары жұмыс жасайды. Онда 48069 бала қамтылып, ол 33,8 пайызды құрап отыр. Бұл туралы облыстық білім басқармасының мамандары хабарлады.

     Бүгінде аймақта 16 оқушылар үйі жұмыс істеп тұр. Онда «Шебер қолдар», «Қылқалам», «Домбыра»,  «Пианино», «Тоқыма», «Бейнелеу өнері» «Жас техник» үйірмелері бар. 2016-2017 оқу жылында осы үйірмелерге қатысатын бала саны 13089-ға жетті.  

    Үйірмелер қатарын кеңейту бағытындағы жүйелі жұмыстар нәтижесінде Сырдария ауданы Шаған ауылындағы №37,  Шіркейлі ауылындағы №129 орта мектептерінде қолөнер мен музыкалық бағыттағы үйірмелер ашылса,  Шиелі ауданындағы №50 мектептің ескі ғимараты  8 спорт түрінен секциялар ашуға лайықталды.

    Сонымен қатар, облыс көлемінде 5 өнер мектебі және 7 балалар музыка мектебі тұрақты жұмыс жасайды. Мұнда болашақта Сыр өнерінің өрісін кеңейтетін балғындар тәлім алып жатыр.