ЖАҢА МАЗМҰНДА БІЛІМ АЛАДЫ
Елбасы жыл сайынғы Жолдауларында білім сапасын жақсартуды тапсырып, келешектік кілті кемел білімде екендігін ұдайы айтып келеді. Осыған орай қазір елімізде білім беру бағдарламасын жаңарту шаралары қолға алынуда.Облыстық білім басқармасы мамандарының айтуынша алдағы 2017-2018 оқу жылында 2, 5, 7 сыныптар жаңартылған білім беру мазмұны бойынша білім алуға көшетін болады.
Осыған байланысты 1008701 дана оқулық пен оқу әдістемелік кешендер сатып алуға баспалармен 98 келісім-шарт жасалды.
Бірінші және екінші сыныпта оқитын барлық оқушы жаңартылған білім беру мазмұны бойынша бірыңғай базалық оқулықтар, оқу-әдістемелік кешендермен толық қамтылатын болады.
