АЙМАҚТА ТЕМІРЖОЛ ЖЕЛІСІ ҰЗАРДЫ
Бүгінде Қызылорда облысынан өтетін магистральдық темір жол желісінің жалпы ұзындығы 1055 шақырымды құрап отыр. Жолаушылар көлігі және автомобиль жолдары басқармасының дерегінше бүгінде облыс аумағынан 18 жұп жолаушы пойызы, оның ішінде мемлекетаралық (Өзбекстан және Ресей Федерациясы) бағыттағы 6 жұп пойызы өтеді.
Соңғы екі-үш жылда аймақтағы теміржол қатынасының аясы кеңейе түсті. Мысалы, 2014 жылдың 22 тамызынан «Жезқазған-Сексеуіл-Бейнеу» темір жолы уақытша пайдалануға қосылды.Осыған байланысты 2016 жылдың наурыз айында облысаралық №617/618 «Қызылорда - Жезқазған» темір жол қатынастары ұйымдастырылды.
Осы жылдың 1 шілдесі күні .№ 6843/6844 «Қызылорда-Бесарық-Түркістан» жаңа жолаушылар пойызы жолға шықты. «Қала маңындағы тасымал» АҚ-на қарасты жаңа бағыт бойынша екі вагондық пойыз аптасына 5 күн қатынайды. Ол облыс оңтүстігіндегі барлық аудан орталығы мен стансаларды, разъездерге тоқтайды.
Саладағы тағы бір жаңалық – аймақ теміржол желісі ұзара түсті. «Жезқазған-Сексеуіл-Бейнеу» темір жолының Қызылорда жол бөлімшесіне қарасты Сексеуіл стансасынан Қоскөл стансасына дейін жолдың қашықтығы 271,3 шақырымды құрап, оның бойында Қарашеген, Абай, Аралық стансалары мен 10 бекет салынуда.
