Kyzylorda-News.kz

     Облыстық жолаушылар көлігі және автомобиль жолдары басқармасы мамандарының дерегінше биыл аймақта жалпы ұзындығы 129,33 шақырым болатын жол мен көше жөнделеді. Оның ішінде 32 шақырым қайта жаңғыртылса, 44 шақырым күрделі жөндеуден өтеді.  Сондай-ақ жыл аясында 53 шақырым орташа жөндеу жасалады.  

    Осы жұмыстар мен аудандық маңызы бар «Қазалы-Көларық-Бекарыстан би-Жаңақұрылыс» автомобиль жолының Әлсейт участкесіндегі көпір құрылысына барлығы 7 847,579 млн. теңге қаржы қаралды. Оның  2 980,501 млн. теңгесі республикалық бюджеттен бөлінсе, облыстық бюджеттен  4 867,078 млн. теңге қаралып отыр.  

    Бүгінге дейін «Самара-Шымкент-Сазды» автомобиль жолының құрылысына республикадан бөлінген 2 131,0 млн. теңгенің (ұзындығы 10 шқ)   936,114 млн. теңгесі игерілді.