ЖАСТАРДЫ ЖАТ АҒЫМНАН САҚТАНДЫРДЫ
Арал ауданында белсенді жастар өз қатарларымен кездесіп, елімізде діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламаның жүзеге асырылуы, тыйым салынған діни ұйымдардың идеологиясына қарсы сауаттылықты арттыру мақсатында әңгіме өрбітті. «Деструктивтік діни ағымдардың алдын алудағы жеке секторлардың рөлі» деп аталған дөңгелек үстел «Нұр Отан» партиясының Арал аудандық филиалында өтті. Шарда партияның аудандық филиалы төрағасының бірінші орынбасары Т.Қанатов, аудандық ішкі саясат бөлімінің басшысы М.Марат, аудандық «Толқын» газетінің жауапты хатшысы А. Елеш, Жастар ресурстық орталығының директоры Ә. Ізбасаров, облыстық дін мәселелерін зерттеу орталығының Арал ауданы бойынша бөлімшесінің меңгерушісі Е.Молдабаев тақырыпқа қатысты хабарлама жасады.
Жастар мен үкіметтік емес ұйымдар, БАҚ және аудандық АТТ мүшелері қатысқан шарада жастар мәселеге қатысты ойларын айтып, спикерлерге сауалдар қойды.
