Kyzylorda-News.kz

     Облыста шағын және орта кәсіпкерлік саласын дамыту мақсатында іске асырылып жатқан  «Бизнестің жол картасы 2020», «Нәтижелі жұмыспен қамту және жаппай кәсіпкерлікті дамыту» және  өңірлік деңгейдегі «Даму-Аймақтар» бағдарламаларына биыл 1 809,516 млн. тенге бөлінді. Бұл туралы облыстық кәсіпкерлік және туризм басқармасы хабарлап отыр.

    Осы жылы кәсіпкерлікті өрістетуге жол ашқан «Бизнестің жол картасы – 2020» бағдарламасы шеңберіндегі жұмыстарға  779,619 млн. теңге бөлінді.

    Жыл басынан бері бағдарлама аясындағы жобаларға қолдау көрсету мақсатындағы Өңірлік үйлестіру кеңесі отырыстарында пайыздық мөлшерлемені субсидиялау үшін жалпы құны  4,75 млрд. теңге болатын 65 жоба мақұлданып, 31 жобаға 314,26 млн. теңгеге ішінара кепілдік ұсынылған. Сонымен бірге, бағдарлама шеңберінде ауылдық округтердегі микробизнес субъектілерінің 17 жобасы 10 млн. теңге көлеміндегі қайтарымсыз гранттар  иеленді.

    Екінші тоқсанда өткен Өңірлік үйлестіру кеңесінің 6 отырысында жалпы құны 1,49 млрд. теңгеге 47 жоба субсидиялау үшін мақұлданды.