ЖОБА ЖҮЙЕЛІ ІСКЕ ЖОЛ АШТЫ
Қазақстан Республикасының Президенті – Елбасы Н.Ә.Назарбаевтың 2012 жылғы 14 желтоқсандағы «Қазақстан-2050» Стратегиясы қалыптасқан мемлекеттің жаңа саяси бағыты» атты Қазақстан халқына Жолдауы мен 2016 жылы «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» қабылданып, 2017 жылдың қыркүйек айынан бастап «Баршаға арналған тегін кәсіби-техникалық білім» жаңа жобасын жүзеге асыру жоспарланып отыр. Жоба ең алдымен тұрмысы төмен отбасылардың мүшелері қатарындағы 9-11 сыныптарды бітірушілер, оқу орындарына түспеген, жұмыс іздеп жүрген адамдар, сондай-ақ өзге де санаттары азаматтарға жұмысшы мамандығын тегін алуға мүмкіндік береді.
«Нәтижелі жұмыспен қамтуды және жаппай кәсіпкерлікті дамыту» бағдарламасың іске асыру мақсатында тиісті салалармен бірлесе отырып, техникалық және кәсіптік білім беру ұйымдарында 1515 жұмысшы маман дайындау және жоғарыдағы санатқа жататын азаматтар қатарынан 1335 адамды өңірге қажетті жұмысшы мамандыққа қайта даярлау үшін алдағы үш жылдық кезеңдң қамтыған есептеме жасалды.
Сонымен қатар, экономика және бюджеттік жоспарлау басқармасының мәліметінше жыл сайын жергілікті бюджет есебінен техникалық және кәсіптік, орта білімнен кейінгі білімі бар мамандарды даярлауға барлығы 3 088 орынға мемлекеттік білім беру тапсырысы орналастырылды.
