ШАҒЫН КӘСІПОРЫНДАР ҚЫЗМЕТІНІҢ КӨРСЕТКІШІ САРАЛАНДЫ
2017 жылдың I-жарты жылдығы бойынша облыс бюджеті оның ішінде, Қызылорда қаласы мен барлық аудандардың, облыстық бюджеттің барлық салықтық, салықтық емес және негізгі капиталды сатудан түсетін түсімдеріне талдау жұмыстары жүргізіліп, екінші тоқсанда соған сәйкес қажетті шаралар атқарылды, деп хабарлайды облыстық экономика және бюджеттік жоспарлау басқармасының мамандары. Облыс бойынша бюджет кірісінің түсімдеріне күнделікті, жедел мәлімет дайындалды.
«Өңірдің әлеуметтік-экономикалық дамуы мен оның инфрақұрылымын дамытуға жер қойнауын пайданушылардың аударымдары» бойынша жер қойнауын пайданушылардың жоспарлаған қаржы көлемін келісімшарт негізінде анықтау мақсатында жұмыстар жасалды.
Статистика, қазынашылық департаменттерінің мәліметтеріне сүйене отырып, еңбекақы қоры нақтыланып салықтық түсімдердегі жеке табыс пен әлеуметтік салықтарға есептемелер жасалды. Шағын кәсіпорындардың өндірістік-қаржылық қызметінің негізгі көрсеткіштеріне талдау жасалды.
Әр ай сайын Қазақстан Республикасы Ұлттық экономика министрлігіне жергілікті өзін-өзі басқару қолма-қол бақылау есеп шотына түскен және жұмсалған қаражаттардың мәліметтері жіберілді. Сонымен қатар, әр айда Жаңақорған ауданының әлеуметтік –экономикалық дамуының көрсеткіштері бойынша талдау жасалып, ұсыныстар берілді.
