АУЫЛ ТҰРҒЫНДАРЫНА ИНФРАҚҰРЫЛЫММЕН ҚАМТАМАСЫЗ ЕТІЛГЕН ЖЕР ТЕЛІМДЕРІ ТАБЫСТАЛАДЫ
Сырдария ауданындағы Шіркейлі ауылында жер телімі кезегінде тұрғандарға инфрақұрылыммен қамтамасыз етілген 70 учаске табысталады. Бұл туралы аудандық құрылыс бөлімінің басшысы Асылбек Әбдуов жергілікті БАҚ өкілдерімен өткен кездесуде айтты. – Қазіргі таңда аудан әкімінің тікелей тапсырмасымен тиісті жұмыстар атқарылды. "Жаңарту" ЖШС мекемесі бөлінген қаржыны толық игеріп, өздеріне жүктелген жұмыстарды аяқтады. Енді құжат рәсімдеу және азаматтарға жер телімдерін табыстау жұмыстары үйлестірілмек,- деді ол.
Электр желілері тартылып, тас жол төселген жаңа көшелерде алдағы уақытта тұрғын үйлермен қатар ойын алаңы, азық-түлік дүкені орналаспақ. Бұл жұмыстар кезең-кезеңімен іске асатын болады.
