АУЫЛШАРУАШЫЛЫҒЫ ЖЕРЛЕРІН ТҮГЕНДЕУ ТҰРАҚТЫ ЖҮРГІЗІЛЕДІ
Бүгінде ауылшаруашылығы жерлерін түгендеу жұмыстары жүйелі түрде жүргізіліп келеді. Облыстық жер қатынастары басқармасының мәліметінше 2011-2014 жылдары осы мақсатта жүргізілген тексеру нәтижесінде пайдаланылмай отырған 311,2 мың гектар (884 учаске) анықталған. Оның 271,7 мың гектары (678 учаске) мемлекетке қайтарылып, 181 учаскенің иелері қайта пайдалануға кіріскен. Соңғы үш жылдағы түгендеу нәтижесінде облыс аумағында 132,6 мың гектар жердің пайдаланылмай отырғандығы .белгілі болды.
Оның 93,7 мың гектары мемлекеттік меншікке қайтарылды, 35,6 мың гектар жерлерді жер пайдаланушылар қайта пайдалануға кіріскен, 1,0 мың гектар жерлердің меншік иесі табылмауына байланысты иесіз мүлік ретінде есепке алынды, қалған 2,3 мың гектар бойынша жер иелерінен заңдылыққа сәйкес мемлекеттке қайтару жұмыстары жүргізіліп жатыр.
