БАЛАЛАРҒА СЫЙ ЖАСАДЫ
Қазалы ауданындағы Ғ.Мұратбаев атындағы №17 орта мектепте әлеуметтік қолдауды қажет ететін оқушылар назардан тыс қалмайды. Бала көкірегіне үміт отын сыйлап, сауапты іске атсалысып, қашанда жомарттық танытатын азаматтар қашанда қарайласып тұрады. Жуырда мектеп басшысы Э.Сматуллаева мен білім ошағының тұрақты демеушісі, кәсіпкер А.Махантай әлеуметтік қолдауды қажет ететін 17 отбасында болып, оқушыларға сыйлық таратты.
«Алдағы уақытта да мектепте балаларды мейірім шуағына бөлейтін жақсы істер жалғасын таба беретін болады» дейді олар.
