«ЖАСЫЛ ЕЛ» АУЫЛДЫ КӨРКЕЙТУДЕ
Жалағаш ауданындағы «Таң» ауылдық округінде «Жасыл ел» еңбек жасағы іске кірісті. Жасақ құрамындағы ауыл жастары жасыл желектерді баптап, арамшөптерді жұлып, арықтарды тазалауда. Жазғы демалысын еңбекпен ұштастырған жастарға ауыл тұрғындары да алғыс айтып, олардың елдімекенді көркейтудегі еңбегін өзгелерге үлгі етеді.
– Алдағы уақытта «Жасыл ел» жастар еңбек жасақтарының қатысуымен «Нұр Отан» партиясының партиялық жобасы аясында «Ардагерлерді ардақтайық» атты акция ұйымдастырып, ауылдық округтегі тыл ардагерлеріне көмек көрсету жоспарлануда, – дейді ауылдық округ әкімі Әліби Байнахатов.
