БИЫЛ 33 ЖОБАНЫҢ ПАЙДАЛАНУ МЕРЗІМІ АЯҚТАМАҚ
Кеше облыс әкімі Қырымбек Көшербаевтың төрағалығымен аппарат отырысы өтіп, күн тәртібінде 2018-2020 жылдарға арналған республикалық бюджетке қаржыландыруға ұсынылған инвестициялық жобалардың жайы қаралды. Айта кетейік республикалық бюджеттен қаражаттандырылуға облыс бойынша 72 инвестициялық жоба ұсынылған. Сонымен қатар, бюджет қаражатының тиімді жұмсалуын қамтамасыз ету мақсатында облыс бойынша әлеуметтік сала, тұрғын үй-коммуналдық шаруашылық, автокөлік жолдары салалары бойынша мемлекеттік сараптамадан өткізілген жобалық-сметалық құжаттамалары бар инвестициялық жобаларға талдау жүргізілген. Нәтижесінде облыс бойынша пайдалану мерзімі биыл аяқталатын жалпы құны 12,8 млрд теңге құрайтын 33 жоба анықталды.
