ЖАСТАР АСТАНАНЫ ӘНГЕ ҚОСТЫ
Қызылорда облысының жастар саясаты мәселелері басқармасының қолдауына сүйенген "Жастар ресурстық орталығы" КММ және "Қызылорда облысының жастар Одақтары" ҚБ ұйымдастыруымен жастар арасында «Әсем қала – Астана» тақырыбында караоке сайыс өткізілді. Жиырма адам қатысқан сайыс 2 кезеңнен тұрады. Еркін тақырып бойынша ән айтудан өткен 7 жас келесі кезеңге жолдама алды. Екінші кезең Қазақстан қалаларына арналды. Жастар кең байтақ Отанымыздың шаһарлары туралы ән шырқады.
Сайыс қорытындысында бірінші орынды Айнұр Насырова жеңіп алды. Екінші орынды Мәлика Жайшылық иеленсе, үшінші орын жүлдесіне Талант Айымбетов лайықты деп танылды.
Жеңімпаздарға бағалы сыйлықтар мен алғыс хаттар табыс етілді.
С.ӘБІЛ,
«Қызылорда облысының
жастар Одақтары» қоғамдық
бірлестігінің төрағасы
