СЫРДАРИЯЛЫҚТАР - ҚАЗАҚСТАН КУБОГЫНЫҢ ИЕГЕРІ!
Тараз қаласында көгалдағы хоккейден ерлер арасында өткен Қазақстан Республикасының кубогында жерлестеріміз «Қайсар» командасы жеңімпаз атанды.
ҚР еңбек сіңірген жаттықтырушысы Сұлтанбек Қобландин дайындаған команда сапында облыс намысын сырдариялықтар Нұрхан Сансызбаев, Бақытбек Сәрсенбайұлы, Мұрат Ешпанов, Бақытбек Тәшенов, Ғалымжан Әлиев, Ақниет Жолдыбай, Диас Әлжанов, Ерасыл Қайқыбеков, Шыңғыс Сейітқалиев, Елдос Сейткереев, Нұрлыбек Ұзақов, Асхат Зұлпыхаров, Жалғас Ибадуллаев, Дәулет Әлиев, Мағжан Төрәлиев, Олжас Әуезхан, Асхат Ермағанбетов және қазалылық Мұқағали Сансызбаевтар қорғады.
Жерлестеріміз 2016 жылғы Қазақстан Республикасы чемпионатының жеңімпазы екендігін де айта кетейік. Сондай-ақ, индор хоккейден әйелдер командасы биылғы жылы Катарда өткен Азия кубогында 1-орын иеленіп, келесі жылы Германияда болатын әлем чемпионатына жолдамасын жеңіп алған болатын.
