Kyzylorda-News.kz

   Облыстық дене шынықтыру және спорт басқармасының мәліметінше бұқаралық спортқа ден қойғандардың қатары 26,4 пайызға көтеріліп, 203 594 адамға жетіп отыр.  

  Аймақта  дене шынықтыру мен спортты дамытудың негізгі көрсеткіші ол – тұрақты дене шынықтыру және спортпен шұғылданушылар санын ұлғайту болып табылады. Бұқаралық спортты дамыту үшін бүгінгі таңда мемлекеттік - әлеуметтік тапсырыс шеңберінде бюджеттен 113,7 млн. теңге бөлініп, 133 елді мекенде  270 спорт нұсқаушысы 41 040 мың адамды тұрақты дене шынықтырумен шұғылдануға баулып келеді.

  Бұқаралық спортты дамытудың негізгі жолы – жарыстарды көптеп өткізіп, халықты спортқа тарту. Осы мақсатта облыс аумағында 764 бұқаралық спорттық іс-шара өткізіліп, оған 182 485 адам қатысты.  

  Биылғы жартыжылдықта  ауыр атлетика, грепплинг, панкратион, волейбол, қазақ күресі, гандбол, мәнерлеп сырғанау, велоспорт, тоғызқұмалақ, грек-рим, шахматтан ел чемпионаттары ұйымдастырылып,  2 халықаралық турнир,   балалар мен жасөспірімдер спорт мектептері арасында 13 біріншілік өткізілді.