Kyzylorda-News.kz

   Өткен жексенбіде Қызылорданың «Қайсары» футболдан премьер-лига командалары арасындағы ХVIII тур ойндары аясында өз алаңында Оралдың «Ақжайығын» қабылдады.  

  Ғ. Мұратбаев атындағы орталық стадионның қосалқы алаңында өткен ойында жанкүйерлер үміті тағы ақталмады. «Қайсардан» қарқын күткендер таблодан тек тең нәтижені ғана көрді.  

  Матчтан кейінгі баспасөз мәслихатында  «Қайсардың» бас жаттықтырушысы С.Младенов командадағы шабуылдаушы лектің мәселесәне тоқталды.

  – Ойынды жеңіліспен аяқтаған матчтардың өзінде біздің жігіттер ширақтау ойнаған еді. Бірақ, соңғы ойындарда жанкүйерлер күткен межеден көріне алмадық.  Жақын күндері командаға орталық шабуылдаушы алу жоспарымызда бар. Осыдан кейін ойын ширай түседі деген сенмдемін,– деді ол.  

  ХVIII турдағы қалған ойындар нәтижесі мынадай: «Оқжетпес» — «Атырау»  1:0, «Тараз» — «Астана» 0:1,  «Шахтер» — «Ақтөбе»  0:2.  

  ХIХ тур аясында «Қайсар» елорда күні мерекесінде Астанада жергілікті командамен кездеседі. Ойынға Игорь Алешин (Павлодар), Илашбек Орынбаев (Шымкент), Нұрлан Жаспенов (Алматы) төрелік етеді. Қосымша ассисенттер: Алексей Бобров (Қарағанды), Иван Филатов (Сарань), резервтегі төреші: Арман Есмұратов (Астана), инспектор: Николай Бублинский (Қарағанды).

  Сондай-ақ, «Қайсар» Астана күніне орай 6 шілде күні сағат 19:00-де Ғ. Мұратбаев атындағы орталық стадионның қосымша алаңында өтетін ойынға шақырады. Елорда мерекесі аясында бұл күні клуб әкімшілігі мамандарынан жасақталған команда жанкүйерлер құрамасына қарсы ойнайды.