АРАЛ АУДАНЫНДА ЖАҢА МЕШІТ АШЫЛДЫ
Арал ауданындағы Қосжар ауылдық округінде «Ізімбет ахун» мешітінің ашылу салтанаты болды. Ауылдың зиялы қауым өкілдері, ауылдың барша тұрғындары жиналған салтанатты жиын аудандық орталық мешіттің бас имамы Съезбек Рахметтегінің қасиетті Құран Кәрімді тиләуат етуімен басталды. Бас имам барша жиылғандарды құттықтап, өз лебізін білдірді.
- «Пайғамбарымыз (с.ғ.с) Алла үйін тұрғызған адам үшін жәннатта сарай салынатынын өсиет етіп, сүйіншілеген. Ендеше, жаңа мешіт имандылықтың темірқазығына айналсын. Құдайға құл, адамға ұл болуды, имандылықты ту етуді мақсат тұтуымыз керек, — деген бас имам мешіт кітапханасына ең үлкен сыйлық — қасиетті Құран Кәрім тарту етті.
