Kyzylorda-News.kz

   Қармақшы аудандық аграрлық-техникалық колледжде бітіруші түлектерге арналған «Қош бол, студенттік жылдар» атты мерекелік салтанатты шара өтті. Жиында колледж директоры Исламбек Айекенов биылғы жылы колледжді бітірген 63 түлекке өзінің жылы лебізін айтты. Алған білімдерін алдағы уақытта ел экономикасын нығайтуға арнап, өздері қалаған мамандықтары арқылы туған елге адал қызмет етуге тілектестігін білдірді. Сонымен бірге, «Тігін өндірісі және киімдерді үлгілеу» бөлімін үздік тәмамдаған Айкерім Арыстанбекова мен Ақгүлім Құрмашқызына «Үздік аттестат», қоғамдық жұмыстарға белсене атсалысқан бір топ озат бітіруші түлектерге алғыс хаттар табыстады.

  Сондай ақ, ардагерлер кеңесінің төрағасы Қаршыға Есдәулетов, «Атамекен» облыстық кәсіпкерлер палатасы аудандық филиалының кеңесші-менеджері лар түлектерге өздерінің жүрекжарды лебіздерін жеткізіп, дипломдар тапсырса, ата-аналар комитетінің төрайымы Кенішкүл Спанова, топ жетекшілері Ұлтуған Жанақаева мен Алмагүл Жұмағалиева  шәкірттеріне өздерінің ыстық ықылыстарын білдіріп, алдағы алар асуларына сәттілік тіледі.