«САЛАУАТТЫ ҰЛТ – САЛАУАТТЫ ҰРПАҚ»
Осындай атаумен жастар арасында салауатты өмір салтын қалыптастыру, бұқаралық спортты насихаттау мақсатында облыстық жастар саясаты мәселелері басқармасының қолдауымен, «Жастар ресурстық орталығы» КММ-сі мен "Өркениетті Қазақстан" қоғамдық бірлестігінің ұйымдастыруымен шағын футболдан қалалық турнир болып өтті. Турнирге облыс орталығындағы шағын аудандар мен қалаға қарасты ауылдық округтер жастарынан жасақталған 10 команда қатысты.
Тартысты өткен турнирде І орынды "Рисмаш» мөлтек ауданының "Самұрық" командасы", ІІ орынды "Тасбөгет" командасы, ІІІ орынды "Наурыз" командасы иеленді.
«Үздік шабуылшы» номинациясын Қанат Мұзарап алса, «Үздік ойыншы» номинациясын Қуаныш Мұстафаев, «Үздік қақпашы» номинациясын Асхат Құрманай иеленді.
Жеңімпаздар сыйлықтармен және дипломдармен марапатталды.
Қалалық турнирдің І орын иегерлері 7 шілде күні Астана күніне 20 жыл толуына орай өткізілетін облыстық турнирде бақ сынайтын болады.
