ОПЕРАЦИЯ ҮСТІНДЕ ФУТБОЛ КӨРДІ
Желіде Чили ауруханаларының біріндегі хирург-дәрігерлердің операция үстіндегі футбол көргені қызу талқыланып жатыр.
Дәрігерлер операция жасап жатып, өз елдерінің командасы мен Португалия құрамасы арасындағы мачты да көріп үлгеріп отырған. Ал Чили қақпашысы пенальтиді сәтті қайтарған кезде олар қуанғаннан операция үстеліндегі науқасты да ұмытып кетеді.
Сол елдегі БАҚ-тың хабарлауынша қазір бұл видеоны тіпті Чили билігі тексеріп жатқан көрінеді.
Еске сала кетсек, конфедерация кубогы аясында Чили мен Португалия кездесіп, Чили пенальти сериясында жеңіске жетті. Енді олар финалда өнер көрсетеді.
