Kyzylorda-News.kz

   Қызылорда облысының қоғамдық-саяси тарихының мемлекеттік архивінде 28 маусым – ҚР байланыс және ақпарат қызметкерлерінің кәсіби мерекесіне орай «Қаламы қарымды, еңбегі елеулі қаламгер» атты тақырыпта кездесу өтті.

  Іс-шараның мақсаты: қоғамдағы әрбір оқиғаны халыққа дер кезінде жеткізіп, саяси тұрақтылықты нығайтуда, ұлтаралық татулық пен келісімді, облыс бойынша атқарылып жатқан көптеген игі істер мен серпілістерді жан-жақты насихаттауда қаламгерлердің өмір жолын, еңбектерін кейінгі ұрпаққа өнеге ету, үлгі тұту.

  Қызылорда облысының қоғамдық-саяси тарихының мемлекеттік архиві баспасөз күніне орай архив қорындағы БАҚ саласына байланысты жеке тектік құжаттарынан дайындалған «Қаламы қарымды, еңбегі елеулі қаламгер» атты көрме ұйымдастырылып, келген қонақтарға таныстырылды.

  Шара барысында Қазақстан Жазушылар одағының мүшесі, жазушы Рахымбеков Әскербек Рахымбекұлының және Қазақстан Жазушылар одағының мүшесі, аудандық «Сырдария», облыстық «Сыр-бойы» газеттерінде, облыстық теле-радио компаниясында қызмет атқарған Рахметова Несібелі Төлтайқызының жеке тектік құжаттары архив қорына қабылданды.

  Кәсіби мереке қарсаңында архив саласын ақпараттандыруда өз үлесін қосып жүрген БАҚ-ң өкілдері алғыс хаттармен марапатталып, сый-сияпат көрсетілді.

  Шараға Қазақстан Жазушылар одағының мүшесі, ақын Рахымбеков Әскербек Рахымбекұлы, Қазақстан Жазушылар одағының мүшесі,аудандық «Сырдария», облыстық «Сыр-бойы» газеттерінде, облыстық теле-радио компанисында қызмет атқарған Рахметова Несібелі Төлтайқызы, «Нұр жан» журналының бас редакторы Суханберлиев Амангелді Нұғманұлы, қалалық «Ақмешіт апталығы» газетінің бас редакторы Үмбет Әділжан Тұрсынбекұлы, «Кызылординские вести» газетінің корректоры Балмағанбетова Жанна Сражадинқызы, «Қызылорда Таймс» газетінің өкілі, «Қоғам» теледидарының тілшісі Дәуіт Олжас Болатұлы және архив қызметкерлері, БАҚ өкілдері қатысты.