«ЖАС СУРЕТШІ - 2017» БАЙҚАУЫНЫҢ ЖЕҢІМПАЗДАРЫН МАРАПАТТАЛДЫ
Қызылорда облысының жастар саясаты мәселелері басқармасы және «Ашық Азаматтық Қоғам» ақпараттық-ресурстық орталығы» қоғамдық қоры Байқоңыр қалалық саябағында «Астана ЭКСПО 2017» тақырыбында көрме ұйымдастырды. Сонымен бірге жастарға арналған мемлекеттік бағдарламаларды насихаттау мақсатында көшпелі қоғамдық қабылдау өткізіп «Жас суретші - 2017» байқауының жеңімпаздарын марапаттады. Іс-шараны Байқоңыр қаласындағы «Ашық Азаматтық Қоғам» ақпараттық-ресурстық орталығы» қоғамдық қорының еріктілері «Байқоңыр жастары «ЭСКПО 2017»-ні қолдайды» тақырыбында би-флешмобын орындап ашты.
Шара барысында жиналған жастарға мемлекеттік бағдарламалар түсіндіріліп, қолөнер бұйымдарынан көрме көрсетілді.
Жиын соңында 1-20 маусым аралығында өткен «Жас суретші - 2017» байқауы комиссия отырысының шешімі жарияланған болатын. Байқауға қатысып жеңімпаз атанғандар: 1 орын- Кужамжарова Анзура, 2 орын- Конокбаева Дария, 3 орын иеленген Мұратбекова Аяжан бағалы сыйлықтармен және дипломдармен марапатталды. Ал қалған қатысушыларда марапатсыз қалмады. Белсене қатысқандары үшін ынталандыру сыйлықтары мен алғыс хаттар табысталды.
