«ЖАЛЫНДА» «ЖАС ҚҰТҚАРУШЫ» САЙЫСЫ ӨТТІ

Демалушы балалардан құрылған 4 топ («Зерде», «Сұңқар», «Балдырған», «Жас ұлан»,) 6 бөлімнен тұратын сайысқа қатысып, жарысқа жоғары дайындықпен келгенін көрсетті.
Сайыс барысында жас құтқарушылар өрт сөндірушілердің жауынгерлік киімдерін уақытқа киюден жарысты. Арқан тартыс және жауынгерлік қанат жаю жарысы өтіп, балалар тақырыпқа орай салған суреттердің мағынасын түсіндірді. Сайыстың соңғы бөліміне топ капитандары шығып, өздерінің өрт қауіпсізідігі саласында білімдері мен тапқырлықтарын көрсетті.
Сайыс нәтижесі бойынша 1-ші орынды «Жас ұлан», 2-ші орынды «Сұңқар», 3-ші орынды «Зерде» командалары иеленіп, оларға диплом мен бағалы сыйлықтар табысталды. «Балдырған» командасы да белсене қатысқаны үшін марапатталып, «Сұңқар» командасының мүшесі Әділ Дастанға «Үздік жас құтқарушы» номинациясы табысталды.
