БІРІНШІ ТОҚСАНДА ЖОЛАУШЫ ТАСЫМАЛЫ КӨРСЕТКІШІ АРТТЫ
Бүгінгі таңда, облыс аумағында 212 елді мекенді аудан және облыс орталығымен байланыстыратын 211 автобус маршруты ұйымдастырылды. Оның 71 маршруты ауданаралық болса, 109 маршруты кент ішінде жүреді. Отыз бір маршрут алаішілік және қаламаңына қатынайды. Облыстық жолаушылар көлігі және автомобиль жолдары басқармасы дерегінше облыс орталығынан Астана, Алматы, Шымкент, Жезқазған, Түркістан, Сарыағаш қалаларына 7 облысаралық автобус маршруты ұйымдастырылған. Осы маршруттарда барлығы 30-дан астам заңды және жеке тұлға жолаушыларға әр түрлі сыйымдылықтағы 1407 автобуспен тасымалдау қызметін көрсетуде.
2017 жылдың І тоқсаны бойынша болжаммен 75,8 млн. жолаушы тасымалданып, 2016 жылмен салыстырғанда көрсеткіш 107,5% пайызға артып отыр.
