Kyzylorda-News.kz

   Мемлекеттік қызметшілер күніне орай облыстық ішкі саясат басқармасында мерекелік шара өтті. Онда басқарма басшысы А. Қайруллаев басқарманың тілдерді дамыту және әдістемелік жұмыстар бөлімінің басшысы Л. Есімованы, ономастика және көрнекі ақпаратты бақылау бөлімінің басшысы А. Әбжалиеваны, әкімшілік және персоналды басқару бөлімінің басшысы А. Мұсаеваны, ақпараттық саясат және бұқаралық ақпарат құралдарына мониторинг бөлімінің бас маманы А.Тәжіні, азаматтық қоғам институттарымен жұмыс бөлімінің бас маманы С. Бимағанбетова мен мониторинг және талдау бөлімінің бас маманы Е. Өмірзақовты облыс әкімінің алғыс хатымен марапаттады.

  Үстіміздегі жылдың 12-21 маусым аралығында  облыс әкімінің жүлдесіне арналған XXII мемлекеттік және ведомство қызметкерлері арасындағы дәстүрлі спартакиада өткен болатын. Осы сайыста басқарма қызметкерлері мен басқармаға қарасты «Сыр медиа» ЖШС мамандары жүлделі орындарға ие болды. Мерекелік шарада үздіктер қатарынан көрінген оларға облыс әкімінің орынбасары Р. Рүстемұлының алғыс хатымен марапатталды.