Kyzylorda-News.kz

   ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешітінде «Құран – мәңгі мұғжиза» атты мәнерлеп Құран оқудан жарыс өтті.

  Қасиетті Рамазан айының құрметіне орай ұйымдастырылған облыстық жарысқа 50-ге жуық шәкірт қатысты.

  “Сендердің ең жақсыларың Құранды үйреніп, басқаларға үйреткендерің” және “Кімде-кім Аллаһтың кітабынан бір әріп оқыса, оған жақсылық жазылып, ол жақсылық он есе көбейеді” делінген  хадисте.

  Қатысушылар Құранды мәнерлеп, нақышына келтіріп оқып, сарапшылардың сауалдарына жауап берді.

  Нәтижесінде І орынды  қалалық «Сұлтан» мешітінің шәкірті Нұрмұхаммед Көптілеуұлы, ІІ орынды қалалық «Қалмұхаммед ишан» мешітінің шәкірті Серік Махашов және «Ақмешіт – Сырдария» мешітінің шәкірті Азамат Әбжалов алса, ІІІ орынды орталық «Ақмешіт-Сырдария мешітінің шәкірті Ерәли Бақытжан мен қалалық «Нұр» мешітінің шәкірті Рүстем Алмағанбетов бөлісті.  

  Жеңімпаздар мен белсене қатысушы шәкірттерге қаржылай сыйлықтар мен алғыс хаттар табыс етілді.