Kyzylorda-News.kz

   Сыбайлас жемқорлық қылмыстары мен құқық бұзушылықтардың  алдын алу мақсатында Қызылорда облысы төтенше жағдайлар департаменті мамандары үшін ЗК 169/1 мекемесін аралау іс-шарасы ұйымдастырылды.

  Түрлі қылмыстар үшін жазықтыны уақытша ұстау изоляторында ТЖД қызметкерлері абақты ережесі таныстырылып, байланыс құралдары өшірілді.  Содан кейін оларға тұтқындарға арналған камералар, ішкі тәртіпті бұзғандарға арналған камералар (карцер), сондай-ақ тергеу жасау және қамауға алынғандармен кездесу бөлмелері көрсетілді.

  Іс-шара қорытындысында ТЖД мамандары өздерінің жабық мекемеден алған әсерлерін айтты.  Жемқорлық пен құқық бұзушылықтың ақыры абақтыға апарып соғатынын айтқан олар жат әдеттен аулақ болған жөн десті.