Kyzylorda-News.kz

   Облыс әкімінің орынбасары Р.Рүстемовтің төрағалығымен Қазалы ауданында дін мәселесін талқыға салған семинар өтті. Cеминарда облыстық ішкі саясат басқармасының басшысы Айдын Қайруллаев «Зайырлы қоғам мен конфессияаралық келісім» туралы баяндамасында бұған дейін кез келген жерде сатылып немесе таратылып келген діни мазмұндағы кітаптарға және уағыз айтуға заңмен қатаң тыйым салынғандығын баса айтты. Осындай көрініске куә болған жанның ішкі істер органдары мен ішкі саясат басқармасына хабарлауы керектігін еске салды.

  Ал белгілі теолог-маман Бақтияр Оспанов пен Оңтүстік Қазақстан облысынан келген дінтаушы Ұлықбек Әлиакбарұлы дәстүр мен дін сабақтастығын және дәстүрлі емес діни ағымдарды қалай анықтауға болатындығын түсіндірді.

  Семинарда аудан әкімі Нажмадин Шамұратов ауданда діни экстремизмнің алдын алу бағытында атқарылып жатқан жұмыстарға тоқталды.