НЕГІЗГІ БАҒЫТТЫҢ БІРІ ЖАСТАРМЕН АДРЕСТІ ЖҰМЫС ІСТЕУ
Облыстық жастар саясаты басқармасы мамандарының мәліметіне сүйенсек бүгінле жоғары, техникалық және кәсіптік білім беру ұйымдарында 21, әр түрлі меншіктегі кәсіпорындар мен мекемелерде 14 жастар ісі жөніндегі комитет жұмыс атқаруда. Облыс бойынша тіркелген 65 жастар ұйымының 42-сі белсенді жұмыс атқарады. Олардың құрамында 78 мыңнан астам мүше тіркелген.
Жыл басынан бері Қызылорда қаласы және аудан әкімдіктері жанынан заңды тұлға ретінде құрылған 9 жастар ресурстық орталығы жұмыс жасайды (9 - «Жастар ресурстық орталығы» КММ-сі, 1 - Байқоңыр қаласында бөлімше). Оның жанынан жастарды жұмыспен қамту үшін ашылған рекрутинг орталығы да өз қызметін атқаруда.
NEET санатындағы жастармен жұмысты күшейту мақсатында салааралық іс-шаралар жоспары аясында жастар дерек қоры бойынша жұмыс жүргізілуде.Базаға енген жастар маусымдық жұмыстарға,«Нәтижелі жұмыспен қамтуды ұйымдастыру және жаппай кәсіпкерлікті дамытудың 2017-2021 жылдарға арналған» бағдарламасы аясында қайта даярлау және біліктілігін арттыру курстарына тартылады.
Жылдың алғашқы айында орталықтар қызметкерлері 35 шара ұйымдастырды, атап айтқанда, жастар арасында діни экстремизм құбылыстарының алдын алу - 21 кездесу, «Дүниежүзілік қысқы Универсиада – 2017» ойындарына орай эстафеталық жарыс, 2 кездесу, 2 акция, «Жайдарман» ойыны, мемлекеттік бағдарламаларды насихаттау бойынша 6 кездесу мен акция, оқушылар Парламентінің отырысы өткізілді.
Сонымен қатар, мемлекеттік жастар саясатын жетілдіру мақсатында 2020 жылға дейінгі стратегиялық бағдарламасы әзірленуде.
