СЕКСЕУІЛДЕН АСТАНАҒА ТІКЕЛЕЙ ЖЕТЕМІЗ
№459 / 460 жаңа халықаралық «Душанбе-Астана» пойызының іске қосылуына байланысты облыс тұрғындарына Сексеуіл станциясынан тікелей Астанаға жету мүмкіндігі туды. Халықаралық пойыз маршруты Сексеуіл-Бейнеу-Жезқазған арқылы өтеді. Бұл өз кезегінде «ЭКСПО-2017» көрмесінің бағытының ұлғаюына мүмкіндік береді. Пойыз 9 вагоннан тұрады. Сексеуілден Астанаға әр сенбі сайын жүреді, ал кері бағытта әр аптаның дүйсенбісінде шығады.
Бұл бағыт бойымен осыған дейін 2016 жылдың 15 наурыз күні іске қосылған «Жезқазған-Қызылорда-Сексеуіл» бағытындағы жолаушылар пойызы жүріп келген болатын.
Жаңа бағыт туралы қосымша ақпаратты 105 нөмірінен (анықтама қызметі) немесе темір жол вокзалдарының кассаларынан алуға болады.
