Kyzylorda-News.kz

   Қызылорда облыстық статистика департаментінің мәліметіне сәйкес Байқоңыр қаласының жастарын қоса есептегенде 14 пен 29 жас аралығында 201 347 азамат (2015 жылдың басына 203 454 жас) тіркелген. Оның ішінде, қала жастары - 83 161 (41,3 %), ауыл жастары 118 186 (58,7 %) адам. Жастар өңірдегі жалпы халықтың 26,7 % құрайды.

  Биыл жыл басында жұмысын бастаған жастар саясаты басқармасының басшысы Еркебұлан Меңлібаевтың мәліметінше 2016 жылғы ІІІ тоқсанына аймағымызда экономикалық белсенді жастар 100,5  мың адам (15-28 жас аралығындағы) болса, оның 4 900-і жұмыссыздар қатарында тұрған. Биылғы, яғни, 2017 жылдың 1 тоқсанында жастар арасындағы жұмыссыздық деңгейі 4,9% болды, сонымен қатар NEET санатына жататын жастар 12,0% құрады (экономикалық белсенді емес - 62,6 мың адам, оның ішінде оқудағылар - 47,8 мың адам, үй шаруашылығында - 2 278 адам, денсаулығына байланысты - 948 адам, басқа мәселелер бойынша – 11 497 адам).