Kyzylorda-News.kz

  Қызылорда облысының жастар саясаты мәселелері басқарамасының қолдауына сүйенген Қармақшы "Жастар ресурстық орталығы" КММ мен "Қызылорда облысының жастар Одақтары" ҚБ Қазалы ауданындағы жұмыссыз жастар арасында жарыс өткізді.  

 «Саламатты Қазақстанның салауатты жастары» ұранымен өткен сайыста гір тасын көтеруден Айбек Рүстемов бірінші орын алса, қол күрестен Темірбек Заманбектің алдына түсмсер жан табылмады, ал арқан тарту сайысының бірінші жүлдесі «Диета» командасына бұйырды.  

Дәл осындай жарыс Қармақшы ауданында да өтіп,
гір көтеруден Қ. Кәдірбек бірінші орын алса, қол күрестен А. Ералиевтің күші басым болды. Ал арқат тартыстың бірінші "Стадион жастары" командасы иеленді.

Арал ауданында өткен сайыс қорытындысында гір көтеруден Б. Бақытбекұлының, қол күрестен Б. Байжановтың  алдына түсер ешкім болған жоқ. Арқан тартуда бірінші орын "Алаш" тобына бұйырды.

Сайыс алдағы уақытта Жалағаш, Сырдария, Шиелі, Жаңақорған аудандарында өз жалғасын табады.