ҚЫЗЫЛОРДА КОМАНДАСЫ АЛҒА ШЫҚТЫ
Қарағанды облысы «Спасск» оқу-жаттығу орталығында өткізіліп жатқан халықаралық «Айбын» әскери-патриоттық жастар жиынында Сыр өңірінің командасы алғашқы сайыс кезеңі бойынша алға шықты.. Бұл туралы Қызылорда облысының қорғаныс істері жөніндегі департаментінің баспасөз қызметі хабарлайды. Сайыс 16 кезеңнен тұрады. Топтық әскерилендірілген кросс бойынша «Айбын» тобы І орынға шықты. Қазалы ауданының оқушысы Ринат Оңдасын АК-74 автоматын 1 минут 23 секунд ішінде шашып-құрастырып, І орынды иеленді. Газтұмылдырығын кию және әскерилендірілген кросстан жеке Қармақшы ауданының оқушысы сымбат Әзілханова жүлделі орынды иеленді.
Естеріңізге сала кетейік, «Айбын» әскери-патриоттық жастар жиыны дәстүрлі түрде елімізде үшінші рет ұйымдастырылуда. Биыл Қазақстан Республикасы Қарулы Күштерінің 25 жылдығына орай, халықаралық деңгейде өткізіліп отыр.
